Jæja hef nú smá tíma fyrir litla færslu  Vil byrja á að óska manninum mínum til hamingju með afmælið þann 3. júní        Þann 17.maí skírðum við litla gaurinn og fékk hann nafnið Aron Örn eftir langa umhugsun.  Skírnin tókst mjög vel og var þetta góður dagur.  Gerðist samt eitt soldið fyndið.  Sigfús prestur var að telja inn í sálm sem allir áttu að syngja og þá hringdi síminn minn.  Hringingin mín er Baten Anna og kom þetta ekkert smá fyndið út og allir sprungu úr hlátri.  Ég gleymdi auðvitað að setja á hljótt á símanum   Svo um hvítasunnuna skelltum við okkur til Danmörku, nánar tiltekið á gamlar heimaslóðir í Horsens.  Fengum fría gistingu hjá Ingu Ósk og fjölskyldu en ég átti inni gjafabréf á gistingu þar því ég hef verið svo dugleg að kommenta á blogginu hennar hehe.  Við fengum bara ágætis veður og var mikið gert á þessum stutta tíma.  Fórum í Legoland og Tívolí í Árhus og svo auðvitað niðrí bæ og í H&M.  Það var borðuð fermetrapizza og Kebab og farið á Bones og grillað og borðað kínverskt í Árhus.  Því miður komumst við ekki á Jensens Böfhus en það er ómissandi þegar maður kemur til DK.  Staðurinn var lokaður í Horsens og svo var 1 1/2 tíma bið á staðnum í Aarhus enda rosalega vinsæll staður   Svo fórum við í heimsóknir líka en við hittum Röggu og Bjart og svo var stoppað í Odense á heimleið og kíkt á Soren og Trine, en Leifi og Soren voru saman í skólanum.  Þetta var skemmtileg ferð og við segjum takk fyrir gistinguna Inga og co.   Myndir úr ferðinni og skírninni má sjá á thorleifsson.barnaland.is

Aðeins að boltanum en Keflvíkingar hafa verið að gera ágætis hluti.  Höfum verið pínu óheppnir í sumum leikjum en þetta kemur allt saman.  Erum í 3. sæti eins og staðan er í dag en næsti leikur er á laugardag.  Ingvi Rafn er að koma sterkur inní liðið aftur og er það einstaklega ánægjulegt á sjá hann á vellinum aftur eftir 2 ára fjarveru.  Björn Elvar og félagar í 5. flokk eru að byrja að spila í Íslandsmótinu í dag og fyrsti leikur er á móti Fram.  Það verður spennandi að fylgjast með þeim í sumar og hef ég góða trú að þeir eigi eftir að gera góða hluti, mjög efnilegir drengir þar á ferð.  Hægt er að fylgjast með þeim á http://ksi.is/mot/motalisti/urslit-stada/?MotNumer=15344&Rodun=U

Í gær 4. júní þá var akkúrat 1 ár síðan að afi minn dó en hann varð bráðkvaddur í hlöðunni sinni.  Ég er búin að sakna hans rosalega mikið og hugsa til hans nánast á hverjum degi.  Afi og amma mín í Dalnum ólu mig hálfpartinn upp og það hefur allatíð hrætt mig mikið að missa þau, þau eru svo stór partur af lífi mínu.  Það var því heldur betur áfall að missa afa svona fljótt og án nokkurar viðvörunar en svona er lífið.  Ég veit að hann fylgist vel með okkur.

Bless í bili, kv. Hjördís

Jæja nokkur orð í dag......  Allt fínt að frétta.  Við ætlum að skíra drenginn okkar á fimmtudag, það er nú loksins orðið ákveðið hvað hann á að heita þessi elska en það kemur í ljós þá.  Helgin var bara róleg á þessum bæ eins og alltaf, fylgdist eiginlega ekkert með Eurovision enda er þessi keppni orðin leiðinleg finnst mér. Þetta eru bara austur Evrópuþjóðir sem eru að keppa og gefa hvor öðrum stig.  Eiki Hauks stóð sig vel á fimmtudag og gerði þetta þræl vel en svo komast lög áfram sem eru ömurleg og sungin fölsk, bara glatað   Það þarf einhverju að breyta en hverju veit ég ekki. 

Við fjölskyldan ætlum að kíkja til Horsens 24.maí og fara í heimsókn á gamlar heimaslóðir.  Okkur hlakkar mjög mikið til og verður gaman að hitta Ingu Ósk, Hansa, Óla og Brynjar.  Gott ef maður fær sér ekki eins og einn öllara   

Fyrsti leikurinn í Landsbankadeildinni í kvöld og byrjum við í vesturbænum.  Hlakka til að fara á völlinn en kvíði samt pínu fyrir..... það eru soldil meiðsli í okkar mannskap en við erum samt með rosa gott lið.  Það myndi  toppa sumarið ef að Ingvi Rafn spilaði með eitthvað   Red Pony þarf að minna á sig

En annars veðrið er frábært núna, sól og blíða og á maður að vera úti í svona veðri   geggjað

Later Hjördís

Já LIVERPOOL eru sko langbestir það er alveg á hreinu.  En já það var sko þvílik stemma hér þann 1.maí.  Björn Elvar bauð hingað 21 strákum í afmælið sitt og var horft á Liverpool- Chelsea í meistaradeildinni.  Ég held að öll mörk um hávaða hafi sprungið hér í húsinu, það var sko öskrað og fagnað að hálfa væri nóg.  Það var þvílík gleði sem ríkti hér í vítaspyrnukeppnninni og eftir leikinn að öll strollan rauk út á götu og hljóp um allt hverfið.  Veit ekki hvað fólkið í grenndinni hafi eiginlega haldið.........  Nágrannarnir í götunni urðu sko varir við þegar Liverpool skoraði hehe   Það var tippað á leikinn og í verðlaun voru 500 kr. Ég þurfti að draga úr nokkrum réttum seðlum og var það Ási sem fékk 500 kallinn. 

Í dag var ég að dunda við að gera síðu á Barnalandi og heitir hún núna thorleifsson.barnaland.is og ætla ég að hafa allar myndir þar.  Síðan er ólæst eins og er en það gæti breyst..  Það eru komnar hátt í 200 heimsóknir bara í dag og ég er að spá er bara eitthvað lið sem bíður eftir svona nýjum síðum eða hvað??  Það eru nefnilega ekki svo margir sem vita af þessari síðu ennþá þannig að ég skil þetta ekki alveg!!!!!!  En jæja endilega að kíkja í prinsinn og skrifa í gestabókina.  Allir saman!!!!!

Kv. Hjördís

Björn Elvar, stóri snillingurinn minn er 12 ára í dag.  Til hamingju elsku kallinn minn með daginn.  Það á að halda afmæli á morgun þegar Liverpool- Chelsea spila í meistaradeildinni.  Svo á hún Inga Ósk vinkona líka afmæli í dag.  Hún er síung skvísan og er örugglega að njóta góða veðrisins í Horsens   Til hamingju með daginn  

B.K  Hjördís

Komiði sæl og blessuð.  Loksins er búið að finna nafn á litla snillinginn okkar.  Þið megið giska á nafnið hehe   Erum að spá í að skíra jafnvel á uppstigningadag en það kemur betur í ljós.  Annars er allt fínt héðan að frétta.  Það er fínasta veður og spurning hvort sumarið sé ekki bara að koma hér.  Erum að skoða ferðir til útlanda í sumar og það er margt í boði þar þannig að við eigum eftir að ákveða okkur aðeins betur.  Þetta er bara stutt núna hjá mér þannig að þangað til næst..................................................

Jæja, þá er sumarið komið og vil ég óska öllum gleðilegs sumars   Nú fer fótboltinn að fara á fullt og stutt í að Landsbankadeildin byrji jibbý   Allt gott að frétta hér.  Litli gaurinn er bara hress og kátur og er orðinn algjör bolti og brosir svo undurfallega bræðir allt og alla.  Hann fékk voða fín föt í gær frá Ingu og Bjössa, takk fyrir það kæru vinir   Ég skrapp aðeins í partý í gærkvöldi.  Það var vinnupartý hjá UPS og var voða stuð á liðinu eins og alltaf.  Á morgun föstudag er ég að fara út að borða mð vinnunni.  Thomas frá British Airways sem hefur verið hér síðastliðið ár er að fara og annar að taka við, þannig að hann er að bjóða öllum út að borða.  En jæja þetta verður bara stutt og laggott í dag.  Hafið það gott elskurnar mínar og endilega kvittiði fyrir ykkur.  Það er svo gaman að sjá hverjir eru að lesa þetta litla blogg mitt.

Sumarkveðjur frá mér

Komiði sæl og blessuð.  Ég get verið svo utanvið mig stundum.  Þannig er mál með vexti að við keyptum okkur nýjan bíl um mánaðarmótin nóv/des 2006 og tekur hann dísel eldsneyti.  Hef alltaf keyrt um á bensínbíl.  Svo nú í febrúar var ég á leið á KSÍ þingið alveg kasólétt og stoppa í Hafnarfirði og ætla að fylla bílinn.  Er eitthvað annað að hugsa og fylli bílinn af bensíni í stað diesel og keyri af stað.  Svo finnst mér bíllinn eitthvað svo helvíti skrýtinn þegar ég er búin að keyra smá og fer eitthvað að spá og þá fatta ég að ég hafi sett bensín á bílinn.  Þori ekki annað en að stoppa strax og drepa á bílnum.  Hringi mjög skömmustuleg í manninn minn og segi honum frá því sem ég hafði gert.  Hann sagði mér að hringja í Olíudreifingu og þeir væru með einhverja þjónustu svo ég gerði það.  Það kom maður frá þeim á bíl með dælu og dældi af hjá mér og setti dísel í staðinn, algjör snilld.  Ég fór eitthvað að afsaka mig við hann og spurði hvort það væri mikið um þetta og hann sagði það vera og að karlmenn væru í meirihluta og sumir oftar en einu sinni.  Þá varð ég bara hæstánægð með mig hehe   Svo gerðist það í gær að ég skutlaði Birni Elvari að keppa og ætlaði svo aftur heim að ná í teppi og svona og fara svo að horfa á.  Er komin á planið fyrir utan og litli snúður eitthvað að væla afturí.  Ég opna bílskúrshurðina og sný mér svo við að ath. með hann og stíg svo á bensíngjöfina í staðinn fyrir bremsuna og bíllinn bara af stað inn í skúr og á hluta af bílskúrshurðinni.  Ég fékk bara sjokk og hún Þórdís mín var á leið inn í bílskúr með teppið til mín, það var greinilega einhver að vaka yfir okkur því þetta hefði getað endað illa og þá hugsun vil ég ekki hugsa til enda.  Hurðin semsagt eyðilagðist töluvert og bíllinn rispaðist líka en þetta eru dauðir hlutir sem má laga og skipta ekki neinu einasta máli.  Ég og þessi bíll erum bara ekki að klikka saman og nú er bara að panta sér Landcruiser   er það ekki bara?? 

Annars er bara allt fínt að frétta.  Ltili snúður eins og hann er kallaður því við erum eitthvað óákveðin um nafn(hugmyndir vel þegnar ) er bara að stækka og er hann að fara í allserjarmælingu á morgun, hlakka til að sjá hvað hann er orðinn stór.  Fyrir 9 dögum var hann mældur og var þá 5550 gr sem er mjög fínt og er eins og 2-3 mán barn   Svo byrjaði hann að brosa þann 7.apríl og var það Gunna á Hvolsvelli sem fékk fyrsta brosið. Leist voða vel á fólkið á Hvolsvelli sem er mjög skiljanlegt   Björn Elvar og félagar í Keflavík eru að keppa í Faxaflóamótinu um þessar mundir og hafa spilað á móti ÍBV sem þeir unnu 7-4 og svo á móti Selfoss í gær og unnu þá 3-2.  Þannig að þeir eru efstir í riðlinum eins og er   Jæja segjum þetta gott í bili og fariði öll varlega, það ætla ég að gera

Hjördís

 

 

Jæja, loksins blogga ég.  Get nú alveg viðurkennt það að ég er ekki duglegust í heimi að þessu.  Það er alltaf einhver í tölvunni þegar ég er í stuði, en ég náði henni núna.    Allt gengur vel hjá okkur og er litli snúðurinn bara að stækka rosalega vel enda kröftugur strákur.  Erum svona aðeins byrjuð að þvælast út úr húsi þannig að lífið er að komast í eðlilegar skorður aftur.  Inga Ósk og strákarnir komu til landsins um daginn og var rosa gaman að hitta þau. Þau komu með rosa fínar gjafir handa litla gaur, takk fyrir það  Við hittumst svo Lanzarote hópurinn/fótboltaforeldrahópurinn á laugardagskvöldinu heima hjá Önnu Maríu og Gulla og borðuðum saman mat og spjölluðum saman.  Það var mjög gaman að hittast og kom Friðjón frá Lúx líka.  Við fjölskyldan fórum í Reykjavík á föstudag og keyptum loksins hjól fyrir Þórdísi en hún fékk það í afmælisgjöf frá okkur í nóvember.  Það var bara lítið úrval þá og er hún alveg alsæl með hjólið sitt og er búin að hjóla mikið um helgina.  Við keyptum líka rólu fyrir litla snúð en við fengum pening frá Airport Associates og UPS= vinnunni minni og keyptum róluna fyrir hann. Takk fyrir  okkur   Það er algjör snilld að hafa svona rólu sem rólar sjálf og fílar hann það í tætlur að sitja í henni og hlusta á tónlist og róla hehe.  Hann er búinn að fá svo margar flottar gjafir frá svo mörgum að það er alveg ótrúlegt og bjuggumst við nú ekki við þessu satt best að segja.  Það er búið að koma fullta af fólki í heimsókn og síðast í gær komu Steina, Geiri og fjölsk. í heimsókn og bökuðum við stafla af pönnukökum sem runnu vel niður, namminamm.  Ekkert svona sérstakt plan um páskana nema bara borða og svona.  Við kannski förum í bíltúr í dalinn til langömmu og svo erum við líka að reyna að stefna á að fara á Hvolsvöll og kíkja á framkvæmdastjórann yfir Rangárvallarsýslu  og fjölskyldu og sjá nýja húsið þeirra sem þau eru búin að vera byggja.  Það er svo langt síðan við höfum séð þau og sko löngu kominn tími á það.  Sindri á líka afmæli þann 7.apríl og verður 12 ára töffari þá   Ég er bara eini kvenmaðurinn á heimilinu núna í augnablikinu þar sem Þórdís Elsa fór í gær til Ísabellu og co. í gær og ætlar að vera hjá þeim í 1-2  daga, örugglega stuð á þeim stelpum    Er að gera myndasíðu og er hægt að klikka hér vinstra megin á hana.  Það er reyndar soldið pirrandi hvað það tekur langan tíma að setja inn myndir, ein í einu þannig að sýnið mér smá þolinmæði.  Liðin mín í boltanum eru að gera ágætishluti.  Liverpool vann Arsenal 4-1 á laugardaginn og Crouch með þrennu   Svo unnu Keflvíkingar ÍA um daginn 1-6 uppá Skaga algjörir snillar þessir strákar og verður bara gaman í sumar á vellinum er það ekki??  En jæja er þetta ekki bara fínt í bili og endilega kommentið takk

Páskakveðjur  Hjördís

Góðan daginn allir saman.  Margt hefur gerst síðan síðast, heldur betur.  Þann 6.mars, sama dag og Liverpool ruddu Evrópumeisturum Barcelona út úr Meistaradeildinni hehe, kom yndislegur og gullfallegur prins í heiminn.  Hann var bara nokkuð stór, 4355 gr = 17,5 mörk og 56 cm langur.  Allt gekk að óskum og heilsast okkur bara mjög vel, sofum og drekkum og horfum á Melrose Place hihi.  Við erum bara í rólegheitunum heima núna og höfum það rosalega fínt hér og látum stjana við okkur.  Held að þessi drengur eigi eftir að fá fótbolta beint í æð þar sem Björn Elvar er alltaf að sýna honum Liverpool merkið og Keflavíkur merkið.  Þórdís Elsa er rosa ánægð með bróður sinn og vill hafa hann í stíl og gegnir soldið móðurhlutverki líka.  Það er alveg ljóst að það verður vel hugsað um hann.  Hef eitthvað svo lítið meir að segja, vantar að vita hvað er að gerast í umheiminum, kjaftasögur og fl. þannig að endilega að kommenta og segja mér eitthvað sniðugt.  Er búin að setja inn eina mynd af bumbunni eins og hún var í restina og mynd af prinsinum, linkur til hliðar, vinstra meginn.  Ef einhver getur sagt mér hvernig maður setur inn mynd með bloggfærslunni þá er ég til í að fá kennslu er ekki alveg að sjá þetta út

Sjáumst Hjördís í orlofi

  Allt gott að frétta af okkur.  Litla krílið er eitthvað að stríða okkur.  Fór í skoðun síðasta fimmtudag og já barnið búið að snúa sér og þar af leiðandi í sitjandi stöðu, ekki alveg nógu sniðugt.  Fór svo í gær til Konráðs fæðingalæknis þar sem hann ætlaði að meta hvort hann gæti snúið því eða hvort hann hann myndi bóka mig í keisara.  En litla krílið sneri sér sjálft og er núna í réttri stöðu eða það vona ég allavega.  Stríðnispúki þarna á ferð.  Þetta er reyndar ekkert lítið kríli, þar sem það er orðið ca. 17 merkur nú þegar og 9 dagar eftir.  Greinilegt að það hefur verið að nærast vel á öllu því sem ég hef látið ofan í mig og það er nú ekkert lítið, síétandi.  Það verður bara gaman að sjá stóra krílið loksins sem er að snúast þarna inni í bumbunni sem er að springa. 

Björn Elvar og félagar í fótboltanum voru að keppa á sunnudaginn og unnu alla leikina og mótið.  Keflavík stóð sig svo vel að að öll liðin unnu sínar deildir þannig að það voru bara Keflvíkingar á verðlaunapalli, flott að sjá.  Björn Elvar og félagar í A-liðinu spiluðu í 1/2 höllinni, þannig að þetta var stór völlur.  Þeir spiluðu 2 leiki í röð sem þýddi það að þeir spiluðu samfellt í 60 mín, geri aðrir betur og unnu Hauka, Njarðvík og Álftanes.  Þeir voru líka alveg búnir á því enda ekkert grín að spila svona.  En þetta eru bara algjörir snillingar.  Næsta mót á laugardag í höllinni aftur þannig að það er nóg að gerast. 

En hafið það sem allra best og njótið lífsins  

Það er alltaf föstudagur og tíminn er svo fljótur að líða.  Við ætluðum að fara í afmæli til Ísabellu í dag en það virðist ætla að vera eitthvað erfitt fyrir þau að halda afmælið hennar.  Þetta er nú ekki einu sinni fyndið.  Hún varð 8 ára þann 10. feb og átti að halda afmælið hennar þá. En allt kom fyrir ekki og lagðist öll fjölskyldan fyrir utan Nönnu Lísu í veikindi, þannig að afmælið frestaðist.    Svo átti afmælið að vera í dag kl. 3 og Þórdís mín voða spennt að fara.  Núna rétt í þessu var svo Ragnheiður að senda sms og segja að afmælið frestast enn frekar þar sem Nanna Lísa er komin með ælupest.  Elsku fjölskylda, það er naumast að pestin herjar á Árbæinn.  Vonandi batnar ykkur öllum sem fyrst

Við á Gígjuvöllum höfum sem betur fer losnað við flensuna 7-9-13 og erum við öll bara ansi hress.  Þórdís er að taka rosa miklum framförum í körfunni og það er alveg ótrúlega gaman að sjá hvað hún er hittinn og er alltaf að vinna skjóta úr keppnina á æfingum.  Flott stelpa.  Björn Elvar er á kafi í fótboltanum og stendur sig rosa vel.  Það eru sko heræfingar hjá þeim núna og kemur hann rennblautur af svita heim eftir hverja æfingu.  Það er sko ekkert gefið eftir þar og vel tekið á.

Ég er nú komin 37 vikur og er bara alveg tilbúin í að krílið komi í heiminn.  Fór í skoðun í gær og allt er í góðu lagi nema að ég er mjög lág í blóði.  Þarf  bara að muna og vera dugleg að taka járn.  Gengur svona upp og niður að muna eitthvað svona  Svo er bara næsta skoðun eftir viku og ýmislegt annað í gangi.  Fékk meðgöngunudd í afmælisgjöf frá bónda og börnum og fer ég í það á föstudaginn næsta.  Svo þarf að gera sig fína og það þarf að fara í strípur og neglur og allan pakkann hehe.  En jæja gott í bili og vonandi heilsast öllum vel og forðist flensuna.

Hjördís

Jæja, þá er maður búin að apa upp eftir Ingu og komin með bloggsíðu   Þetta er nú kannski aðallega í þeim tilgangi að geta sett inn myndir og fréttir af okkur og litla krílinu þegar það kemur í heiminn svo að vinir og vandamenn geti fylgst með.

Það er alveg tilvalið að byrja á þessu á afmælisdaginn.  Er semsagt ennþá að vinna en fer nú að fara róa mig aðeins þar sem það eru bara rúmar 3 vikur í væntanlegan fæðingadag.  Hef haft það bara ágætlega gott en er aðeins farin að þreytast og sef ekki alveg nógu vel á nóttunni. Þetta stefnir í að verða barn í stærra lagi samkvæmt 34 vikna sónar og var mér tjáð að þetta gæti orðið allt að 18 marka barn, er nú samt að vonast eftir að það verði kannski aðeins minna.  Það er búið að vera nóg að gera hjá mér undanfarið og hef ég verið að versla aðeins, breyta, henda og taka til heima hjá mér.  Alltaf gaman að þvi   Svo reikna ég nú með að Leifi minn máli nú eitthvað húsið í fæðingarorlofinu sínu.  Alveg kominn tími á það að mála.

Ég er kannski ein af þeim sem get aldrei setið auðum höndum og nú nýverið var komið að máli við mig og mér boðið að taka sæti í stjórn Knattspyrnudeidar Keflavíkur.  Þannig að ég verð gjaldkeri þar og það verður örugglega nóg að gera í því í fæðingarorlofinu.

Annars bara allt fínt að frétta af okkur öllum á heimilinu

Kveðjur Hjördís